Bókaðu tíma
Dekkjaþjónusta Vöku
Dekkjaþjónusta Vöku er staðsett á Héðinsgötu 2 þar sem meginstarfsemi Vöku fer fram. Þar bjóðum við upp á úrvalsþjónustu sem veitt er af þrautþjálfuðum starfsmönnum og unnin á fyrsta flokks vélum.
Vaka býður jafnframt upp á úrval af nýjum dekkjum frá Sailun. Einnig bjóðum við upp á mikið úrval af notuðum dekkjum sem eru sérstaklega skoðuð af starfsmönnum með tilliti til mynsturdýptar og misslits.
Við erum einnig með mikið úrval af notuðum úrvalsfelgum í öllum stærðum.
Umfelgun
Umfelgun hjá Vöku tekur venjulega á bilinu 15 – 30 mínútur, allt eftir gerð ökutækis og stærð dekkja. Þegar þú kemur með bílinn í umfelgun skoðum við hvort felgur séu skemmdar, förum yfir dekkjaventla, setjum réttan loftþrýsting í dekkin og jafnvægisstillum hvert dekk. Nauðsynlegt er að athuga herslu á felguróm eftir um það bil 60 kílómetra akstur og getur þú komið með bílinn til okkar og við athugum hersluna fyrir þig.
Jafnvægisstilling
Það er mikilvægt að tryggja að dekk séu rétt jafnvægisstillt en dekk í ójafnvægi hafa veruleg áhrif á aksturshæfni bíls og eldsneytiseyðslu. Eftir því sem dekk slitna getur myndast ójafnvægi sem hægt er að leiðrétta með jafnvægisstillingu. Þá getur högg á hjólabúnað valdið ójafnvægi svo sem þegar ekið er á kantstein eða í djúpa holu.
Viðhald
Dekk eru einn mikilvægasti öryggisbúnaður bílsins og til að hámarka endingu dekkja er mikilvægt að færa dekk á milli öxla á um það bil 10 þúsund kílómetra fresti. Mun meira álag er á framdekkjum en afturdekkjum og slitna þau því hraðar. Jafnframt mælum við með því að öll dekk séu jafnvægisstillt við sömu tímamörk til að hámarka akstursöryggi og lágmarka slit.
